meri bhi man mera aks mat dikha mujhko

mirī bhī maan mirā aks mat dikhā mujh ko

maiñ ro paḌūñgā mire sāmne na lā mujh ko

maiñ band kamre kī majbūriyoñ meñ leTā rahā

pukārtī phirī bāzār meñ havā mujh ko

tū sāmne hai to āvāz kaun suntā hai

jo ho sake to kahīñ duur se bulā mujh ko

tū aks ban ke mire ā.īne meñ baiThā rahā

tamām umar koī dekhtā huā mujh ko

varaq varaq yuuñ hī phirtā rahūñ kahāñ tak maiñ

kitāb jaan ke bōk-shelf par sajā mujh ko

ḳhudā to ab bhī hai vo 'ashk' kyā bigaḌ jaatā

agar vo aur tarīqe se sochtā mujh ko

meri bhi man mera aks mat dikha mujh ko

main ro paDunga mere samne na la mujh ko

main band kamre ki majburiyon mein leTa raha

pukarti phiri bazar mein hawa mujh ko

tu samne hai to aawaz kaun sunta hai

jo ho sake to kahin dur se bula mujh ko

tu aks ban ke mere aaine mein baiTha raha

tamam umar koi dekhta hua mujh ko

waraq waraq yun hi phirta rahun kahan tak main

kitab jaan ke book-shelf par saja mujh ko

KHuda to ab bhi hai wo 'ashk' kya bigaD jata

agar wo aur tariqe se sochta mujh ko