meri hi zat mein hangama-e-sahar bhi tha

mirī hī zaat meñ hangāma-e-sahar bhī thā

shab-e-ḳhamosh kā maiñ āḳhirī pahar bhī thā

kisī kā baḌhtā huā haath sard mausam meñ

pakaḌ liyā thā magar chhūTne kā Dar bhī thā

maiñ jis ke jism kā saaya bhī chhū na saktā thā

ye alamiya hai vahī merā ham-safar bhī thā

maiñ aise shaḳhs kī parchhā.iyoñ meñ zinda huuñ

jo thak chukā bhī thā āmāda-e-safar bhī thā

jise maiñ gaañv ke kuueñ meñ pheñk aaya huuñ

usī samāj ke neze pe merā sar bhī thā

jo din meñ sotā thā rātoñ ko jāgtā thā 'shakīl'

paḌos vāloñ meñ ik shaḳhs be-hunar bhī thā

meri hi zat mein hangama-e-sahar bhi tha

shab-e-KHamosh ka main aaKHiri pahar bhi tha

kisi ka baDhta hua hath sard mausam mein

pakaD liya tha magar chhuTne ka Dar bhi tha

main jis ke jism ka saya bhi chhu na sakta tha

ye alamiya hai wahi mera ham-safar bhi tha

main aise shaKHs ki parchhaiyon mein zinda hun

jo thak chuka bhi tha aamada-e-safar bhi tha

jise main ganw ke kuen mein phenk aaya hun

usi samaj ke neze pe mera sar bhi tha

jo din mein sota tha raaton ko jagta tha 'shakil'

paDos walon mein ek shaKHs be-hunar bhi tha