meri manzilen kahin aur hain mera rasta koi aur hai
mirī manzileñ kahīñ aur haiñ mirā rāsta koī aur hai
haTo raah se mirī ḳhizr-jī mirā rahnumā koī aur hai
ye ajiib mantiq-e-ishq hai magar is meñ kuchh bhī na ban paḌe
mire dil meñ yaad kisī kī hai mujhe bhūltā koī aur hai
mirī jumbisheñ mirī laġhzisheñ mire bas meñ hoñgī na thiiñ na haiñ
maiñ qayām kartā huuñ zehan meñ mujhe sochtā koī aur hai
tire husn tere jamāl kā maiñ divāna yuuñ hī nahīñ huā
hai mujhe ḳhabar tire ruup meñ ye chhupā huā koī aur hai
nahīñ mujh ko tujh se koī gila hai alag tarah mirā silsila
ki tire ḳhudā ka.ī aur haiñ to mirā ḳhudā koī aur hai
meri manzilen kahin aur hain mera rasta koi aur hai
haTo rah se meri KHizr-ji mera rahnuma koi aur hai
ye ajib mantiq-e-ishq hai magar is mein kuchh bhi na ban paDe
mere dil mein yaad kisi ki hai mujhe bhulta koi aur hai
meri jumbishen meri laghzishen mere bas mein hongi na thin na hain
main qayam karta hun zehan mein mujhe sochta koi aur hai
tere husn tere jamal ka main diwana yun hi nahin hua
hai mujhe KHabar tere rup mein ye chhupa hua koi aur hai
nahin mujh ko tujh se koi gila hai alag tarah mera silsila
ki tere KHuda kai aur hain to mera KHuda koi aur hai
Source:
Kashkol (Pg. 55)
- Author: Tahir Faraz
-
- Edition: 2004
- Publisher: Isteara Publications
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
