meri tarah koi barbaad hone wala nahin

mirī tarah koī barbād hone vaalā nahīñ

ye dasht-e-'ishq ab ābād hone vaalā nahīñ

bas ek din ise zanjīr ḳhud rihā karegī

ye qaidī aise to āzād hone vaalā nahīñ

bilā-sabab yahāñ logoñ se kaun miltā hai

ye kār-e-ḳhair mire baa'd hone vaalā nahīñ

sabhī ko shauq yahāñ inkishāf-e-zāt kā hai

magar vo aa.ina ījād hone vaalā nahīñ

paḌhā rahe ho sabaq dil ko duniyā-dārī kā

paḌhāye jaao ise yaad hone vaalā nahīñ

ye kah ke kār-e-jahāñ koī mujh ko sauñp gayā

ye kaam mujh se to ustād hone vaalā nahīñ

meri tarah koi barbaad hone wala nahin

ye dasht-e-'ishq ab aabaad hone wala nahin

bas ek din ise zanjir KHud riha karegi

ye qaidi aise to aazad hone wala nahin

bila-sabab yahan logon se kaun milta hai

ye kar-e-KHair mere ba'd hone wala nahin

sabhi ko shauq yahan inkishaf-e-zat ka hai

magar wo aaina ijad hone wala nahin

paDha rahe ho sabaq dil ko duniya-dari ka

paDhaye jao ise yaad hone wala nahin

ye kah ke kar-e-jahan koi mujh ko saunp gaya

ye kaam mujh se to ustad hone wala nahin