meri zindagi bhi tu hai mera muddaa bhi tu hai
mirī zindagī bhī tū hai mirā mudda.ā bhī tū hai
maiñ tujhī ko chāhtā huuñ tū hī merī aarzū hai
kise DhūñDhtī haiñ har-sū mirī be-qarār nazreñ
tū ye ḳhuub jāntā hai mujhe kis kī justujū hai
mirī chashm-e-husn hī meñ tire ruḳh kī tābisheñ haiñ
mire halqa-e-nazar meñ tirī zulf-e-mushk-bū hai
jo karam pe tum ho maa.il to ye shaan hai tumhārī
na savāl kyuuñ karūñ maiñ ki savāl merī ḳhū hai
mirī ruuh ḳhush hai 'muztar' ki mirī talab hai sādiq
jo nazar se chhup rahā thā vahī aaj rū-ba-rū hai
meri zindagi bhi tu hai mera muddaa bhi tu hai
main tujhi ko chahta hun tu hi meri aarzu hai
kise DhunDhti hain har-su meri be-qarar nazren
tu ye KHub jaanta hai mujhe kis ki justuju hai
meri chashm-e-husn hi mein tere ruKH ki tabishen hain
mere halqa-e-nazar mein teri zulf-e-mushk-bu hai
jo karam pe tum ho mail to ye shan hai tumhaari
na sawal kyun karun main ki sawal meri KHu hai
meri ruh KHush hai 'muztar' ki meri talab hai sadiq
jo nazar se chhup raha tha wahi aaj ru-ba-ru hai
Source:
Raqs-e-bahar (Pg. 175)
- Author: Krishna Kumar Muztar
-
- Edition: 1962
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
