miT gae hae makin aur makan-e-dehli

Tafazzul Husain Khan Kaukab Dehlavi

miT gae hae makin aur makan-e-dehli

Tafazzul Husain Khan Kaukab Dehlavi

MORE BYTafazzul Husain Khan Kaukab Dehlavi

    miT ga.e haa.e makīñ aur makān-e-dehlī

    na rahā naam ko bhī nām-o-nishān-e-dehlī

    sahme sahme na raheñ kyūñki muqīmān-e-falak

    ki falak hai hadaf-e-tīr-e-fuġhān-e-dehlī

    ham to insān haiñ kyūñki rahe bin ro.e

    ki farishte bhī hue marsiya-ḳhvān-e-dehlī

    jaise fāras meñ ḳhulāsa hai zabān-e-shīrāz

    vaisī hind meñ hai paak zabān-e-dehlī

    duur se dekh ke ho kyūñki yaqīñ dillī

    aa ke dillī meñ ho jab yuuñ gumān-e-dehlī

    fart-e-kāhīdgī-e-dard se yārab ab to

    sab ke sab ho ga.e haiñ piir javān-e-dehlī

    is vīrānī meñ ik baat hai dekho ab tak

    miT ga.e par bhī to baaqī rahī ān-e-dehlī

    jasad-e-charḳh na anjum se bane ābla-vār

    gar na ho darpai barbādī-e-shān-e-dehlī

    bas-ki hañgāma-talab thā ye vahāñ pahle se

    fitna-e-hashr bhī hovegā miyān-e-dehlī

    jo makīñ rah ga.e be-gor-o-kafan mar mar kar

    Dhāñpne par vo gire un makān-e-dehlī

    'ġhālib'-o-'sāqib'-o-'sālik' nahīñ haiñ ġhamgīñ

    'kaukab'-e-ḳhasta bhī kartā hai fuġhān-e-dehlī

    miT gae hae makin aur makan-e-dehli

    na raha nam ko bhi nam-o-nishan-e-dehli

    sahme sahme na rahen kyunki muqiman-e-falak

    ki falak hai hadaf-e-tir-e-fughan-e-dehli

    hum to insan hain ji kyunki rahe bin roe

    ki farishte bhi hue marsiya-KHwan-e-dehli

    jaise faras mein KHulasa hai zaban-e-shiraaz

    waisi hi hind mein hai pak zaban-e-dehli

    dur se dekh ke ho kyunki yaqin dilli ka

    aa ke dilli mein ho jab yun hi guman-e-dehli

    fart-e-kahidgi-e-dard se yarab ab to

    sab ke sab ho gae hain pir jawan-e-dehli

    is ki virani mein ek baat hai dekho ab tak

    miT gae par bhi to baqi rahi aan-e-dehli

    jasad-e-charKH na anjum se bane aabla-war

    gar na ho darpai barbaadi-e-shan-e-dehli

    bas-ki hangama-talab tha ye wahan pahle se

    fitna-e-hashr bhi howega miyan-e-dehli

    jo makin rah gae be-gor-o-kafan mar mar kar

    Dhanpne par wo gire un ka makan-e-dehli

    'ghaalib'-o-'saqib'-o-'salik' hi nahin hain ghamgin

    'kaukab'-e-KHasta bhi karta hai fughan-e-dehli

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY