mohabbat ghair se ki hai to mera muddaa le lo

mohabbat ġhair se kī hai to merā mudda.ā le lo

mire dil pe guzartī kyā hai is kā bhī mazā le lo

jo kahtā huuñ jafā.eñ chhoḌ do ahd-e-vafā le lo

to kahte haiñ ḳhudā se tum muqaddar dūsrā le lo

jo pūchhā chhoḌ duuñ ulfat to bole is se kyā hogā

jo pūchhā apnā dil le luuñ to jhuñjhlā kar kahā le lo

janāb-e-ḳhizr rāh-e-ishq meñ laḌne se kyā hāsil

maiñ apnā rāsta le luuñ tum apnā rāsta le lo

shab-e-furqat jo dard-e-dil se 'muztar' dam ulajhtā hai

qazā kahtī hai ghabrāo nahīñ mujh se davā le lo

mohabbat ghair se ki hai to mera muddaa le lo

mere dil pe guzarti kya hai is ka bhi maza le lo

jo kahta hun jafaen chhoD do ahd-e-wafa le lo

to kahte hain KHuda se tum muqaddar dusra le lo

jo puchha chhoD dun ulfat to bole is se kya hoga

jo puchha apna dil le lun to jhunjhla kar kaha le lo

janab-e-KHizr rah-e-ishq mein laDne se kya hasil

main apna rasta le lun tum apna rasta le lo

shab-e-furqat jo dard-e-dil se 'muztar' dam ulajhta hai

qaza kahti hai ghabrao nahin mujh se dawa le lo