محبت کا سجدہ ادا ہو نہ جائے
محبت کا سجدہ ادا ہو نہ جائے
کہیں تو کسی کا خدا ہو نہ جائے
خلش غم کی دل سے جدا ہو نہ جائے
کہیں زندگی بے مزا ہو نہ جائے
محبت مری بے خدا ہو نہ جائے
کہیں پھر وہ ظالم خفا ہو نہ جائے
کرے بھی تو کیا آہ مجبور الفت
اگر راہ غم میں فنا ہو نہ جائے
خدا کے لئے التجا یوں نہ ٹھکرا
کہیں کوئی بے آسرا ہو نہ جائے
نہ اتنے بھی صدمے دو پامال غم کو
کہیں ساز دل بے صدا ہو نہ جائے
نہ کرنا کبھی عرض غم ان سے ساحرؔ
کہیں التجا بھی گلہ ہو نہ جائے
مأخذ:
صدائے دل (Pg. 71)
- مصنف: ساحر بھوپالی
-
- ناشر: حالی پبلیشنگ ہاؤس، دہلی
- سن اشاعت: 1959
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
