محبت کو جو ظاہر کر رہی ہے
مرے چہرے پہ وہ تحریر بھی ہے
ہوئیں صدیاں نظر کے زلزلوں کو
ابھی تک شہر کی حالت وہی ہے
اجاگر جب بھی اس کے غم ہوئے ہیں
نئے رخ سے غزل میں نے کہی ہے
اگر گہرا نہیں ہے زخم احساس
ہمارے سوچنے میں کچھ کمی ہے
ہوائے ظلم کے جھونکے ادھر بھی
مرے دل میں بھی شوق آگہی ہے
ترے انجان بھی تیرے شناسا
ہمارا آشنا بھی اجنبی ہے
میں تیرے ظلم کا رد عمل ہوں
مرا پیغام صلح و آشتی ہے
کہاوت بن چکی ہے جس کی وحشت
نظرؔ ہی ایک ایسا آدمی ہے
مأخذ:
گلہائے صد نگار (Pg. 167)
- مصنف: جمیل عظیم آبادی
-
- ناشر: راشد پبلی کیشنز، کراچی
- سن اشاعت: 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
