mohabbat ko na rakkho dil ke nazuk aabginon mein

Bulbul Kashmiri

mohabbat ko na rakkho dil ke nazuk aabginon mein

Bulbul Kashmiri

MORE BYBulbul Kashmiri

    mohabbat ko na rakkho dil ke nāzuk ābgīnoñ meñ

    ye aisā āb-e-zam-zam hai jise rakhte haiñ Tīnoñ meñ

    samundar safar kaise kareñge vo safīnoñ meñ

    jo buzdil Dar ke maare Duub jaate haiñ pasīnoñ meñ

    baḌī tashvīsh phailī hai vatan ke tārkīnoñ meñ

    unheñ miltī haiñ sau sau dhamkiyāñ do do mahīnoñ meñ

    ajā.ib-ghar meñ rakhiye ye kisī qārūn sar hai

    milā hai ye bhī āsār-e-qadīma ke dafīnoñ meñ

    dil-e-gum-gashta merā un ke baTve se nikal aayā

    abas DhūñDā kiye ham āsmānoñ aur zamīnoñ meñ

    musallam hai janāb-e-shaiḳh pākīza-dāmānī

    ki bin pūchhe chale jaate haiñ vo parda-nashīnoñ meñ

    bigaḌtī hai kabhī qismat kabhī biivī kabhī motor

    yaqīnan mushtarak hai koī ik chiiz tīnoñ meñ

    ḳhudāvandā na jaane un tire bandoñ pe kyā guzre

    nikal aate haiñ jiite jāgte chūze mashīnoñ meñ

    idhar Duube udhar ubhre udhar ubhre idhar Duube

    mohabbat bahr hai aur apnā maskan sab-marīnoñ meñ

    ḳhudā laaj rakh letā hai bīmār-e-mohabbat

    vo jab tashrīf laate haiñ to rozoñ ke mahīnoñ meñ

    jinheñ iqbāl ne sīñchā thā apne ḳhuun se 'bulbul'

    ham apne hal chalāne lag ga.e haiñ un zamīnoñ meñ

    mohabbat ko na rakkho dil ke nazuk aabginon mein

    ye aisa aab-e-zam-zam hai jise rakhte hain Tinon mein

    samundar ka safar kaise karenge wo safinon mein

    jo buzdil Dar ke mare Dub jate hain pasinon mein

    baDi tashwish phaili hai watan ke tarkinon mein

    unhen milti hain sau sau dhamkiyan do do mahinon mein

    ajaib-ghar mein rakhiye ye kisi qarun ka sar hai

    mila hai ye bhi aasar-e-qadima ke dafinon mein

    dil-e-gum-gashta mera un ke baTwe se nikal aaya

    abas DhunDa kiye hum aasmanon aur zaminon mein

    musallam hai janab-e-shaiKH ki pakiza-damani

    ki bin puchhe chale jate hain wo parda-nashinon mein

    bigaDti hai kabhi qismat kabhi biwi kabhi motor

    yaqinan mushtarak hai koi si ek chiz tinon mein

    KHudawanda na jaane un tere bandon pe kya guzre

    nikal aate hain jite jagte chuze mashinon mein

    idhar Dube udhar ubhre udhar ubhre idhar Dube

    mohabbat bahr hai aur apna maskan sab-marinon mein

    KHuda hi laj rakh leta hai bimar-e-mohabbat ki

    wo jab tashrif late hain to rozon ke mahinon mein

    jinhen iqbaal ne sincha tha apne KHun se 'bulbul'

    hum apne hal chalane lag gae hain un zaminon mein

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now