محبت کو نہ تولو محبت بے بہا ہے

محبت کو نہ تولو محبت بے بہا ہے

محبت دل میں گھولو محبت تو دعا ہے

بھری برسات آئے دلوں میں پھول مہکے

لبوں پر یہ دعا تھی لبوں پر یہ دعا ہے

کہ یوں تو زندگی کے ہزاروں مسئلے ہیں

فقط چاہت تمہاری ہمارا مسئلہ ہے

زمین و آسماں کا کرم حاصل تمہیں ہو

مقدر میں ہمارے تو کالا رتجگا ہے

یہ جسم و جاں کا رشتہ بڑا انمول ہے ناں

سو اس کی قدر کرنا ہمارا مشغلہ ہے

دعاؔ اک عمر سے میں اسی کو پوجتی ہوں

وہ دل کے بت کدے میں وفا کا دیوتا ہے