محبت میں خمیدہ سر کھڑے ہیں
محبت میں خمیدہ سر کھڑے ہیں
در جاناں گزارش گر کھڑے ہیں
کسی پہ بے بسی ظاہر نہ کرنا
یہاں ہر سو تماشا گر کھڑے ہیں
سلامت عشق میں ہے سر سبھی کا
ہمیں ہیں جو بریدہ سر کھڑے ہیں
جو خود شاہیں بنے تھے دیکھیے وہ
پرندے قید میں بے پر کھڑے ہیں
نہ جانے شادؔ کتنے زندگی میں
سیاہی اوڑھ کے منظر کھڑے ہیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
