mohabbat mein ziyan-kari murad-e-dil na ban jae

mohabbat meñ ziyāñ-kārī murād-e-dil na ban jaa.e

ye lā-hāsil hī umr-e-ishq kā hāsil na ban jaa.e

mujhī par paḌ rahī hai saarī mahfil meñ nazar un kī

ye dildārī hisāb-e-dostāñ dar-dil na ban jaa.e

karūñgā umr bhar tai rāh-e-be-manzil mohabbat kī

agar vo āstāñ is raah kī manzil na ban jaa.e

tire anvār se hai nabz-e-hastī meñ taḌap paidā

kahīñ saarā nizām-e-kā.enāt ik dil na ban jaa.e

kahīñ rusvā na ho ab shān-e-istiġhnā mohabbat kī

mirī hālat tumhāre rahm ke qābil na ban jaa.e

mohabbat mein ziyan-kari murad-e-dil na ban jae

ye la-hasil hi umr-e-ishq ka hasil na ban jae

mujhi par paD rahi hai sari mahfil mein nazar un ki

ye dildari hisab-e-dostan dar-dil na ban jae

karunga umr bhar tai rah-e-be-manzil mohabbat ki

agar wo aastan is rah ki manzil na ban jae

tere anwar se hai nabz-e-hasti mein taDap paida

kahin sara nizam-e-kaenat ek dil na ban jae

kahin ruswa na ho ab shan-e-istighna mohabbat ki

meri haalat tumhaare rahm ke qabil na ban jae