mohabbat par na bhulo mohabbat be-kasi hai

Mahboob Khizan

mohabbat par na bhulo mohabbat be-kasi hai

Mahboob Khizan

MORE BYMahboob Khizan

    mohabbat par na bhūlo mohabbat be-kasī hai

    sukūn-e-sarv-o-sumbul sab apnī sādgī hai

    kahāñ vo be-ḳhudī thī ki ḳhud ham be-ḳhabar the

    ab itnī bekalī hai ki duniyā jāntī hai

    kaho mujh se ki dil meñ nahīñ koī shikāyat

    tabī.at manchalī hai bahāne DhūñDtī hai

    namak guftugū meñ anokhī muskurāhaT

    badan par dhīre-dhīre qayāmat aa rahī hai

    tujhe kaise dikhā.ūñ ye rāteñ ye ujāle

    javānī so ga.ī hai mohabbat jāgtī hai

    usī shikva har dam usī zikr sab se

    agar ye dushmanī hai to achchhī dushmanī hai

    thakan hai jāñ-fazā barastī hai udāsī

    sitāre kah rahe haiñ ki manzil aa ga.ī hai

    palaT kar yuuñ na dekho umaDte bādaloñ se

    bahār-e-be-ḳhizāñ bhī saraktī chāñdnī hai

    mohabbat par na bhulo mohabbat be-kasi hai

    sukun-e-sarw-o-sumbul sab apni sadgi hai

    kahan wo be-KHudi thi ki KHud hum be-KHabar the

    ab itni bekali hai ki duniya jaanti hai

    kaho mujh se ki dil mein nahin koi shikayat

    tabiat manchali hai bahane DhunDti hai

    namak sa guftugu mein anokhi muskurahaT

    badan par dhire-dhire qayamat aa rahi hai

    tujhe kaise dikhaun ye raaten ye ujale

    jawani so gai hai mohabbat jagti hai

    usi ka shikwa har dam usi ka zikr sab se

    agar ye dushmani hai to achchhi dushmani hai

    thakan hai jaan-faza si barasti hai udasi

    sitare kah rahe hain ki manzil aa gai hai

    palaT kar yun na dekho umaDte baadalon se

    bahaar-e-be-KHizan bhi sarakti chandni hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now