محبت رائیگانی ہے سنبھل جا

رابعہ بصری

محبت رائیگانی ہے سنبھل جا

رابعہ بصری

MORE BYرابعہ بصری

    محبت رائیگانی ہے سنبھل جا

    اذیت کی کہانی ہے سنبھل جا

    تجھے میراث میں ہجرت ملی ہے

    تبھی تو لا مکانی ہے سنبھل جا

    محبت جان کو آئی ہوئی ہے

    بلائے ناگہانی ہے سنبھل جا

    یہ برقی رابطے سے کٹ نہ جائے

    یہ رشتہ آسمانی ہے سنبھل جا

    اسے دریا سمجھ کر پار مت کر

    مری آنکھوں کا پانی ہے سنبھل جا

    یہ آنکھیں سرخ یہ پیروں کے چھالے

    کسی کی مہربانی ہے سنبھل جا

    وہ میرے گاؤں کے رستے میں ہوگا

    ابھی بھی خوش گمانی ہے سنبھل جا

    موضوعات :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY