muddaa jo zehn se uTTha tha wo beja na tha

mudda.ā jo zehn se uTThā thā vo bejā na thā

dil bahut ma.asūm thā dil aql-parvarda na thā

maiñ tilism-e-raushnī se khā rahā thā kyuuñ fareb

dhuup thī to thā mirā apnā koī saaya na thā

jañgaloñ ne kar liyā taslīm jaane kyuuñ gunāh

ai jahān-e-nau tirā ilzām tak puḳhta na thā

raqs karte karte ik din ḳhaak ho jā.eñge ham

rañj farmā.egā is darja junūñ sochā na thā

maiñ shurū-e-ishq meñ hal karne vaalā thā ise

mas.ala rūh-o-badan kā itnā pechīda na thā

jab yahāñ rahne ke sab asbāb yakjā kar liye

tab khulā mujh par ki maiñ duniyā kā bāshinda na thā

rafta rafta maut kī jānib baḌhā kyuuñ har koī

zindagī meñ kyā burā thā zindagī meñ kyā na thā

muddaa jo zehn se uTTha tha wo beja na tha

dil bahut masum tha dil aql-parwarda na tha

main tilism-e-raushni se kha raha tha kyun fareb

dhup thi to tha mera apna koi saya na tha

jangalon ne kar liya taslim jaane kyun gunah

ai jahan-e-nau tera ilzam tak puKHta na tha

raqs karte karte ek din KHak ho jaenge hum

ranj farmaega is darja junun socha na tha

main shuru-e-ishq mein hal karne wala tha ise

masala ruh-o-badan ka itna pechida na tha

jab yahan rahne ke sab asbab yakja kar liye

tab khula mujh par ki main duniya ka bashinda na tha

rafta rafta maut ki jaanib baDha kyun har koi

zindagi mein kya bura tha zindagi mein kya na tha