muddat ke baad isne likha mere nam KHat

Aagha Akbarabadi

muddat ke baad isne likha mere nam KHat

Aagha Akbarabadi

MORE BYAagha Akbarabadi

    muddat ke ba.ad is ne likhā mere naam ḳhat

    merī shikāyatoñ se bharā hai tamām ḳhat

    ghabrā na is qadar dil-e-betāb sabr kar

    aatā hai koī roz meñ ab sub.h-o-shām ḳhat

    likkhā huā hai ḳhaas tumhāre haath

    pahchāntā hai ḳhuub tumhārā ġhulām ḳhat

    tahrīr un siina pe rakh dījiyo mire

    badle javāb-e-nāma ke aa.egā kaam ḳhat

    likkhā hai ab na likkheñge ham koī ḳhat tujhe

    ḳhat aayā merī maut laayā payām ḳhat

    zaa.e.a na jā.egī tirī mehnat kisī tarah

    qāsid ajūra detā huuñ chuTkī meñ thaam ḳhat

    āshiq-navāziyāñ haiñ tabī.at meñ yaar

    likkhā hai har mahīne meñ bhejo mudām ḳhat

    tahrīr kar ke saikaḌoñ va.ade mukar ga.e

    dikhlā.ūñgā huzūr ko roz-e-qayām ḳhat

    ḳhat likh ke aaj Daak pe pahuñcheñge yaar ko

    pahuñchā.egā hamārā payām-o-salām ḳhat

    'āġhā' nisār hojiye in.aam dījiye

    laayā hai un qāsid-e-sarsar-ḳhirām ḳhat

    muddat ke baad is ne likha mere nam KHat

    meri shikayaton se bhara hai tamam KHat

    ghabra na is qadar dil-e-betab sabr kar

    aata hai koi roz mein ab subh-o-sham KHat

    likkha hua hai KHas tumhaare hi hath ka

    pahchanta hai KHub tumhaara ghulam KHat

    tahrir un ki sina pe rakh dijiyo mere

    badle jawab-e-nama ke aaega kaam KHat

    likkha hai ab na likkhenge hum koi KHat tujhe

    KHat aaya meri maut ka laya payam KHat

    zaea na jaegi teri mehnat kisi tarah

    qasid ajura deta hun chuTki mein tham KHat

    aashiq-nawaziyan hain tabiat mein yar ki

    likkha hai har mahine mein bhejo mudam KHat

    tahrir kar ke saikaDon wade mukar gae

    dikhlaunga huzur ko roz-e-qayam KHat

    KHat likh ke aaj Dak pe pahunchenge yar ko

    pahunchaega hamara payam-o-salam KHat

    'agha' nisar hojiye inam dijiye

    laya hai un ka qasid-e-sarsar-KHiram KHat

    Source :

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now