muddaton baad shab-e-mah use dekha tha

muddatoñ baa'd shab-e-māh use dekhā thā

par kisī aur ke hamrāh use dekhā thā

kyā ḳhabar thī ki kahānī koī ban jā.egī

maiñ ne kal bazm meñ nāgāh use dekhā thā

vasl kī raat sitāroñ ne baḌī hasrat se

gaah dekhā thā mujhe gaah use dekhā thā

log use DhūñDhne nikle to ye mā'lūm huā

jis ne dekhā thā sar-e-rāh use dekhā thā

aaj ik 'umr ke baa'd us se milā thā lekin

apne ahvāl se āgāh use dekhā thā

us kā kyā Thiik ki logoñ ne ba-yak-vaqt 'jamāl'

sar-e-mai-ḳhāna-o-dargāh use dekhā thā

muddaton ba'd shab-e-mah use dekha tha

par kisi aur ke hamrah use dekha tha

kya KHabar thi ki kahani koi ban jaegi

main ne kal bazm mein nagah use dekha tha

wasl ki raat sitaron ne baDi hasrat se

gah dekha tha mujhe gah use dekha tha

log use DhunDhne nikle to ye ma'lum hua

jis ne dekha tha sar-e-rah use dekha tha

aaj ek 'umr ke ba'd us se mila tha lekin

apne ahwal se aagah use dekha tha

us ka kya Thik ki logon ne ba-yak-waqt 'jamal'

sar-e-mai-KHana-o-dargah use dekha tha