mujassam dāġh-e-hasrat huuñ sarāpā naqsh-e-ibrat kā
mujhe dekho ki hotā hai yahī anjām ulfat kā
unheñ shauq-e-dil-āzārī hameñ zauq-e-vafādārī
ḳhudā-hāfiz hai ab apne kishor-e-kār-e-ulfat kā
visāl-e-yār kī ai dil koī pur-zor koshish kar
havā-e-āh se parda uThā de shām-e-furqat kā
dil-e-pur-shauq ne Daalā hai mujh ko kis kashākash meñ
idhar hai had kī be-sabrī udhar vā'da qayāmat kā
tum aise be-ḳhabar bhī shaaz hoñge is zamāne meñ
ki dil meñ rah ke andāza nahīñ hai dil kī hālat kā
jahāñ meñ chaar din rah kar faqat bū-e-vafā denā
guloñ se maiñ sabaq letā huuñ ā.īn-e-sohbat kā
lagā rakhtā hai us kī nazr ko chashm-e-tamannā ne
vo ik aañsū ki majmū'a hai saarī dil kī tāqat kā
mirī qudrat se ab iḳhfā-e-rāz-e-ishq bāhar hai
ki rang aane lagā hai āñsuoñ meñ ḳhūn-e-hasrat kā
ik āh-e-sard bhar letā huuñ jab tum yaad aate ho
ḳhulāsa kis qadar maiñ ne kiyā hai ranj-e-furqat kā
vo dil hai bazm-e-ālam meñ 'nazar' ik sāz-e-bashkasta
na chheḌe tār-e-hastī par jo naġhma us kī qudrat kā
mujassam dagh-e-hasrat hun sarapa naqsh-e-ibrat ka
mujhe dekho ki hota hai yahi anjam ulfat ka
unhen shauq-e-dil-azari hamein zauq-e-wafadari
KHuda-hafiz hai ab apne kishor-e-kar-e-ulfat ka
visal-e-yar ki ai dil koi pur-zor koshish kar
hawa-e-ah se parda uTha de sham-e-furqat ka
dil-e-pur-shauq ne Dala hai mujh ko kis kashakash mein
idhar hai had ki be-sabri udhar wa'da qayamat ka
tum aise be-KHabar bhi shaz honge is zamane mein
ki dil mein rah ke andaza nahin hai dil ki haalat ka
jahan mein chaar din rah kar faqat bu-e-wafa dena
gulon se main sabaq leta hun aain-e-sohbat ka
laga rakhta hai us ki nazr ko chashm-e-tamanna ne
wo ek aansu ki majmu'a hai sari dil ki taqat ka
meri qudrat se ab iKHfa-e-raaz-e-ishq bahar hai
ki rang aane laga hai aansuon mein KHun-e-hasrat ka
ek aah-e-sard bhar leta hun jab tum yaad aate ho
KHulasa kis qadar main ne kiya hai ranj-e-furqat ka
wo dil hai bazm-e-alam mein 'nazar' ek saz-e-bashkasta
na chheDe tar-e-hasti par jo naghma us ki qudrat ka
Source:
Deewan-e-Sharf Mujaddidi (Pg. ebook-24 page-2)
-
Author:
Abdul Qadir Mujaddidi
-
- Edition: 1937
- Publisher: Raees-ul-Matabe, Kanpur
- Year of Publication: 1937
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.