mujhko aata hai tayammum na wazu aata hai
![Agha Shayar Qazalbash Agha Shayar Qazalbash](https://rekhta.pc.cdn.bitgravity.com/Images/Shayar/round/agha-shayar-qazalbash.png)
mujhko aata hai tayammum na wazu aata hai
Agha Shayar Qazalbash
MORE BYAgha Shayar Qazalbash
mujh ko aatā hai tayammum na vazū aatā hai
sajda kar letā huuñ jab sāmne tū aatā hai
yuuñ to shikva bhī hameñ ā.īna-rū aatā hai
hoñT sil jaate haiñ jab sāmne tū aatā hai
haath dho.e hue huuñ nestī-o-hastī se
shaiḳh kyā pūchhtā hai mujh se vazū aatā hai
minnateñ kartī hai shoḳhī ki manā luuñ tujh ko
jab mire sāmne rūThā huā tū aatā hai
pūchhte kyā ho tamannāoñ kī hālat kyā hai
saañs ke saath ab ashkoñ meñ lahū aatā hai
yaar kā ghar koī kaaba to nahīñ hai 'shā.ir'
haa.e kam-baḳht yahīñ marne ko tū aatā hai
mujh ko aata hai tayammum na wazu aata hai
sajda kar leta hun jab samne tu aata hai
yun to shikwa bhi hamein aaina-ru aata hai
honT sil jate hain jab samne tu aata hai
hath dhoe hue hun nesti-o-hasti se
shaiKH kya puchhta hai mujh se wazu aata hai
minnaten karti hai shoKHi ki mana lun tujh ko
jab mere samne ruTha hua tu aata hai
puchhte kya ho tamannaon ki haalat kya hai
sans ke sath ab ashkon mein lahu aata hai
yar ka ghar koi kaba to nahin hai 'shair'
hae kam-baKHt yahin marne ko tu aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.