mujhko aur kahin jaana tha
mujh ko aur kahīñ jaanā thā
bas yūñhī rastā bhuul gayā thā
dekh ke tere des kī rachnā
maiñ ne safar mauqūf kiyā thā
kaisī añdherī shaam thī us din
bādal bhī ghar kar chhāyā thā
raat kī tūfānī bārish meñ
tū mujh se milne aayā thā
māthe par būñdoñ ke motī
āñkhoñ meñ kājal hañstā thā
chāñdī kā ik phuul gale meñ
haath meñ bādal kā TukḌā thā
bhīge kapḌe kī lahroñ meñ
kundan sonā damak rahā thā
sabz pahāḌī ke dāman meñ
us din kitnā hañgāma thā
bārish kī tirchhī galiyoñ meñ
koī charāġh liye phirtā thā
bhīgī bhīgī ḳhāmoshī meñ
maiñ tire ghar tak saath gayā thā
ek tavīl safar kā jhoñkā
mujh ko duur liye jaatā thā
mujh ko aur kahin jaana tha
bas yunhi rasta bhul gaya tha
dekh ke tere des ki rachna
main ne safar mauquf kiya tha
kaisi andheri sham thi us din
baadal bhi ghar kar chhaya tha
raat ki tufani barish mein
tu mujh se milne aaya tha
mathe par bundon ke moti
aankhon mein kajal hansta tha
chandi ka ek phul gale mein
hath mein baadal ka TukDa tha
bhige kapDe ki lahron mein
kundan sona damak raha tha
sabz pahaDi ke daman mein
us din kitna hangama tha
barish ki tirchhi galiyon mein
koi charagh liye phirta tha
bhigi bhigi KHamoshi mein
main tere ghar tak sath gaya tha
ek tawil safar ka jhonka
mujh ko dur liye jata tha
Source:
Kulliyaat-e-Nasir Kazmi(Pehli Barish) (Pg. E-368 B-55)
- Author: Nasir Kazmi
-
- Edition: 1957
- Publisher: Nasir Kazmi
- Year of Publication: 1957
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
