mujh mein koi mujh jaisa ho aisa bhi ho sakta hai

mujh meñ koī mujh jaisā ho aisā bhī ho saktā hai

yā phir koī aur chhupā ho aisā bhī ho saktā hai

us ke haath meñ ġhubbāre the phir bhī bachcha gum-sum thā

vo ġhubbāre bech rahā ho aisā bhī ho saktā hai

ek risāla paḌhte paḌhte us kī āñkheñ bhar aa.iiñ

us meñ merā sher chhapā ho aisā bhī ho saktā hai

ambar bhī niilā niilā hai dariyā bhī niilā niilā

un donoñ ne zahr piyā ho aisā bhī ho saktā hai

sahrā meñ jab pyaas lagī to merī vahshat ne sochā

qais ne ḳhud kā ḳhuun piyā ho aisā bhī ho saktā hai

jis kī ḳhātir biich safar meñ us ne mujh ko chhoḌā thā

vo bhī us ko chhoḌ gayā ho aisā bhī ho saktā hai

mujh mein koi mujh jaisa ho aisa bhi ho sakta hai

ya phir koi aur chhupa ho aisa bhi ho sakta hai

us ke hath mein ghubbare the phir bhi bachcha gum-sum tha

wo ghubbare bech raha ho aisa bhi ho sakta hai

ek risala paDhte paDhte us ki aankhen bhar aain

us mein mera sher chhapa ho aisa bhi ho sakta hai

ambar bhi nila nila hai dariya bhi nila nila

un donon ne zahr piya ho aisa bhi ho sakta hai

sahra mein jab pyas lagi to meri wahshat ne socha

qais ne KHud ka KHun piya ho aisa bhi ho sakta hai

jis ki KHatir bich safar mein us ne mujh ko chhoDa tha

wo bhi us ko chhoD gaya ho aisa bhi ho sakta hai