mujh par teri nazron ka jo ehsan nahin hota

Mohammad Usmaan Arif

mujh par teri nazron ka jo ehsan nahin hota

Mohammad Usmaan Arif

MORE BYMohammad Usmaan Arif

    mujh par tirī nazroñ jo ehsāñ nahīñ hotā

    hāthoñ se mire chaak garebāñ nahīñ hotā

    ḳhālī kabhī kāñToñ se gulistāñ nahīñ hotā

    kāñToñ se kabhī phuul pareshāñ nahīñ hotā

    kuchh dard ho kuchh soz ho kuchh nuur ho dil meñ

    bas ḳhaak putlā to insāñ nahīñ hotā

    ai dost samajhtā huuñ tirī pursish-e-ġham ko

    bātoñ se kabhī dard darmāñ nahīñ hotā

    kyuuñ us ko mire chāk-e-garebāñ ḳhabar ho

    gesū bhī kabhī jis pareshāñ nahīñ hotā

    ai barq-e-jahāñ-soz tujhe ye bhī ḳhabar hai

    āshiq nasheman kabhī vīrāñ nahīñ hotā

    har phuul ko dekhūñ ye hai āvārā-nigāhī

    har naqsh meñ to jalva-e-jānāñ nahīñ hotā

    mamnūn-e-karam ek zamāna hai hameñ kyā

    ham par to kabhī aap ehsāñ nahīñ hotā

    khultā hai koī rāz-e-nihāñ dekh chaman meñ

    ġhunchoñ yūñhī chaak garebāñ nahīñ hotā

    phūloñ se bahal jā.ūñ vo dīvāna nahīñ huuñ

    kāñToñ se ulajhne ko to dāmāñ nahīñ hotā

    maujoñ ko banā letā huuñ maiñ apnā safīna

    tūfāñ bhī mire sāmne tūfāñ nahīñ hotā

    maiñ jin pe fidā huuñ vahī jalve haiñ nazar meñ

    ā.īna tujhe dekh ke hairāñ nahīñ hotā

    kis manzil-e-dushvār meñ huuñ ishq 'ārif'

    un se bhī mire dard darmāñ nahīñ hotā

    mujh par teri nazron ka jo ehsan nahin hota

    hathon se mere chaak gareban nahin hota

    KHali kabhi kanTon se gulistan nahin hota

    kanTon se kabhi phul pareshan nahin hota

    kuchh dard ho kuchh soz ho kuchh nur ho dil mein

    bas KHak ka putla hi to insan nahin hota

    ai dost samajhta hun teri pursish-e-gham ko

    baaton se kabhi dard ka darman nahin hota

    kyun us ko mere chaak-e-gareban ki KHabar ho

    gesu bhi kabhi jis ka pareshan nahin hota

    ai barq-e-jahan-soz tujhe ye bhi KHabar hai

    aashiq ka nasheman kabhi viran nahin hota

    har phul ko dekhun ye hai aawara-nigahi

    har naqsh mein to jalwa-e-jaanan nahin hota

    mamnun-e-karam ek zamana hai hamein kya

    hum par to kabhi aap ka ehsan nahin hota

    khulta hai koi raaz-e-nihan dekh chaman mein

    ghunchon ka yunhi chaak gareban nahin hota

    phulon se bahal jaun wo diwana nahin hun

    kanTon se ulajhne ko to daman nahin hota

    maujon ko bana leta hun main apna safina

    tufan bhi mere samne tufan nahin hota

    main jin pe fida hun wahi jalwe hain nazar mein

    aaina tujhe dekh ke hairan nahin hota

    kis manzil-e-dushwar mein hun ishq ki 'arif'

    un se bhi mere dard ka darman nahin hota

    Source
    • Book : Lamhon Ki Dhadkanen (Pg. 38)
    • Author : Mohammad Usmaan Arif
    • Publication : Bedil Academy,Rajisthan (1985)
    • Edition : 1985
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY