mujh pe dahliz se phenka hai gul-e-tar kis ne

mujh pe dahlīz se pheñkā hai gul-e-tar kis ne

mere allāh jagāyā hai muqaddar kis ne

merī jānib thā rafīqoñ kī rifāqat kā hisār

phir mirī pusht pe ghoñpā hai ye ḳhanjar kis ne

husn-e-aḳhlāq ke paikar the hamāre bachche

un ke hāthoñ meñ thamāyā hai ye patthar kis ne

kitnā pur-kaif hai girdāb kā manzar dekho

dil ke tālāb meñ pheñkā hai ye kankar kis ne

gul-badan zohra-jabīñ tū hī batā de mujh ko

is mohabbat se tarāshā hai ye paikar kis ne

ġhā.ebāna huī hogī koī nusrat 'sārim'

varna tum ko yuuñ banāyā hai suḳhan-var kis ne

mujh pe dahliz se phenka hai gul-e-tar kis ne

mere allah jagaya hai muqaddar kis ne

meri jaanib tha rafiqon ki rifaqat ka hisar

phir meri pusht pe ghonpa hai ye KHanjar kis ne

husn-e-aKHlaq ke paikar the hamare bachche

un ke hathon mein thamaya hai ye patthar kis ne

kitna pur-kaif hai girdab ka manzar dekho

dil ke talab mein phenka hai ye kankar kis ne

gul-badan zohra-jabin tu hi bata de mujh ko

is mohabbat se tarasha hai ye paikar kis ne

ghaebana hui hogi koi nusrat 'sarim'

warna tum ko yun banaya hai suKHan-war kis ne