مجھ سے کہتے ہو کیا کہیں گے آپ

پنڈت جواہر ناتھ ساقی

مجھ سے کہتے ہو کیا کہیں گے آپ

پنڈت جواہر ناتھ ساقی

MORE BYپنڈت جواہر ناتھ ساقی

    مجھ سے کہتے ہو کیا کہیں گے آپ

    جو کہوں گا تو کیا سنیں گے آپ

    کیا بیان شب فراق کریں

    نہ سنا ہے نہ اب سنیں گے آپ

    نہیں کھلتا سبب تبسم کا

    آج کیا کوئی بوسہ دیں گے آپ

    ناصحا آپ خود ہی ناداں ہیں

    کیا نصیحت مجھے کریں گے آپ

    دم آخر یہ تھا مرے لب پر

    کس پہ جور و ستم کریں گے آپ

    ظلم کی کچھ بھی انتہا ہوگی

    یا ہمیشہ ستم کریں گے آپ

    منتظر ہیں تمہارے مدت سے

    دیکھیے ہم سے کب ملیں گے آپ

    درد نا گفتہ بہ ہو جب ساقی

    وہ سنیں بھی تو کیا کہیں گے آپ

    مأخذ :
    • کتاب : Kulliyat-e-Saaqi (Pg. e-61 p-58)
    • Author : Pandit Jawahar Nath Saqi
    • مطبع : Pandit Jawahar Nath Saqi (1926)
    • اشاعت : 1926

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY