mujhe aisa lutf ata kiya ki jo hijr tha na visal tha

Aitbar Sajid

mujhe aisa lutf ata kiya ki jo hijr tha na visal tha

Aitbar Sajid

MORE BYAitbar Sajid

    mujhe aisā lutf atā kiyā ki jo hijr thā na visāl thā

    mire mausamoñ ke mizāj-dāñ tujhe merā kitnā ḳhayāl thā

    kisī aur chehre ko dekh kar tirī shakl zehn meñ aa ga.ī

    tirā naam le ke milā use mere hāfize ye haal thā

    kabhī mausamoñ ke sarāb meñ kabhī bām-o-dar ke azaab meñ

    vahāñ umr ham ne guzār jahāñ saañs lenā muhāl thā

    kabhī ne ġhaur nahīñ kiyā ki ye log kaise ujaḌ ga.e

    koī 'mīr' jaisā girafta-dil tere sāmne misāl thā

    tire ba.ad koī nahīñ milā jo ye haal dekh ke pūchhtā

    mujhe kis aag jalā ga.ī mire dil ko kis malāl thā

    kahīñ ḳhūn-e-dil se likhā to thā tire sāl-e-hijr sāneha

    vo adhūrī Diary kho ga.ī vo na-jāne kaun saal thā

    mujhe aisa lutf ata kiya ki jo hijr tha na visal tha

    mere mausamon ke mizaj-dan tujhe mera kitna KHayal tha

    kisi aur chehre ko dekh kar teri shakl zehn mein aa gai

    tera nam le ke mila use mere hafize ka ye haal tha

    kabhi mausamon ke sarab mein kabhi baam-o-dar ke azab mein

    wahan umr hum ne guzar di jahan sans lena muhaal tha

    kabhi tu ne ghaur nahin kiya ki ye log kaise ujaD gae

    koi 'mir' jaisa girafta-dil tere samne ki misal tha

    tere baad koi nahin mila jo ye haal dekh ke puchhta

    mujhe kis ki aag jala gai mere dil ko kis ka malal tha

    kahin KHun-e-dil se likha to tha tere sal-e-hijr ka saneha

    wo adhuri Diary kho gai wo na-jaane kaun sa sal tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY