مجھے چمن میں گلوں سے تیری سیاہ زلفوں کی باس آئی

مجھے چمن میں گلوں سے تیری سیاہ زلفوں کی باس آئی

بھلا چکا تھا جسے مرا دل وہ یاد پھر دل کے پاس آئی

ہے کج ادائی کا تیری چرچا زمانے بھر میں اے جان جاناں

صبا بھی تیری گلی سے لوٹی تو دل شکستہ اداس آئی

پلا نہ ساقی تو خم سے اپنے کہ تشنگی یہ عجیب سی ہے

نظر کے ساغر سے ہی بجھے گی جو آج ہونٹوں پہ پیاس آئی

نہ ہے وفائی کا تم سے شکوہ گلہ نہ اپنے نصیب سے ہے

مجھے ہی طور وفا نہ آیا مجھے محبت نہ راس آئی

بگاڑ پائے نہ دشت و صحرا جنون و وحشت کا کچھ بھی شوکتؔ

مگر وہاں جب خرد گئی تو گنوا کے ہوش و حواس آئی