mujhe manzur kaghaz par nahin patthar pe likh dena

Faza Ibn e Faizi

mujhe manzur kaghaz par nahin patthar pe likh dena

Faza Ibn e Faizi

MORE BYFaza Ibn e Faizi

    mujhe manzūr kāġhaz par nahīñ patthar pe likh denā

    haTā kar mujh ko tum manzar se pas-manzar pe likh denā

    ḳhabar mujh ko nahīñ maiñ jism huuñ koī saayā huuñ

    zarā is vazāhat dhuup chādar pe likh denā

    usī diid se mahrūm jis ko dekhnā chāhūñ

    mirī āñkhoñ ko us ke ḳhvāb-gūñ paikar pe likh denā

    isī miTTī ġhamza haiñ ma.ārif sab haqā.eq sab

    jo tum chāho to is jumle ko lauh-e-zar pe likh denā

    bahut nāzuk haiñ mere sarv qāmat teġhzan logo

    hazīmat ḳhurdgī merī saf-e-lashkar pe likh denā

    kabhī maiñ bhī uḌāneñ bharne vaalā thā bahut ūñchī

    mirī pahchān isī TuuTe hue shahpar pe likh denā

    sarāboñ ke safar se nahīñ lauTā 'fazā' ab tak

    jo ḳhat likhnā to itnī baat us ke ghar pe likh denā

    mujhe manzur kaghaz par nahin patthar pe likh dena

    haTa kar mujh ko tum manzar se pas-manzar pe likh dena

    KHabar mujh ko nahin main jism hun ya koi saya hun

    zara is ki wazahat dhup ki chadar pe likh dena

    usi ki did se mahrum jis ko dekhna chahun

    meri aankhon ko us ke KHwab-gun paikar pe likh dena

    isi miTTi ka ghamza hain maarif sab haqaeq sab

    jo tum chaho to is jumle ko lauh-e-zar pe likh dena

    bahut nazuk hain mere sarw qamat teghzan logo

    hazimat KHurdgi meri saf-e-lashkar pe likh dena

    kabhi main bhi uDanen bharne wala tha bahut unchi

    meri pahchan isi TuTe hue shahpar pe likh dena

    sarabon ke safar se tu nahin lauTa 'faza' ab tak

    jo KHat likhna to itni baat us ke ghar pe likh dena

    RECITATIONS

    Nomaan Shauque

    Nomaan Shauque

    Nomaan Shauque

    mujhe manzur kaghaz par nahin patthar pe likh dena Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY