aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhe mushkil mein yun andaza-e-mushkil nahin hota

Sayyad Ejaz Ahmad Rizwi

mujhe mushkil mein yun andaza-e-mushkil nahin hota

Sayyad Ejaz Ahmad Rizwi

MORE BYSayyad Ejaz Ahmad Rizwi

    mujhe mushkil meñ yuuñ andāza-e-mushkil nahīñ hotā

    kabhī maiñ kasrat-e-afkār se bad-dil nahīñ hotā

    agar honā paḌe mannat-kash-e-amvāj bhī mujh ko

    phir merī ḳhudī ko kuchh ġham-e-sāhil nahīñ hotā

    nahīñ kuchh pās-e-ġhairat jis ko us zikr kyā hai

    jo ġhairat-mañd hai vo dar-ba-dar saa.il nahīñ hotā

    jhukā kartī haiñ vo shāḳheñ jo hotī haiñ samar-āvar

    vahī hotā hai ḳhud-sar jo kisī qābil nahīñ hotā

    lahū tere har har buuñd fariyādī hai go bismil

    magar qātil ke muñh par shikva-e-qātil nahīñ hotā

    dil-e-nākām phir le kaam zauq-e-sa.ī-e-paiham se

    kaf-e-afsos malne se to kuchh hāsil nahīñ hotā

    yaqīnan maqsad-e-taḳhlīq ko samjhā huā hai vo

    farā.ez se kabhī jo aadmī ġhāfil nahīñ hotā

    vo insāñ hai malak sajde guzāreñ jis ke dāman par

    vo zarra kyā jo ham-dosh-e-mah-e-kāmil nahīñ hotā

    jo ro.e dekh kar har har qadam par paañv ke chhāle

    kabhī vo rāh-rau āsūda-e-manzil nahīñ hotā

    mire soz-e-darūñ merī navā faiz hai 'rizvī'

    tirā honā to vaj.h-e-garmī-e-mahfil nahīñ hotā

    mujhe mushkil mein yun andaza-e-mushkil nahin hota

    kabhi main kasrat-e-afkar se bad-dil nahin hota

    agar hona paDe mannat-kash-e-amwaj bhi mujh ko

    tu phir meri KHudi ko kuchh gham-e-sahil nahin hota

    nahin kuchh pas-e-ghairat jis ko us ka zikr hi kya hai

    jo ghairat-mand hai wo dar-ba-dar sail nahin hota

    jhuka karti hain wo shaKHen jo hoti hain samar-awar

    wahi hota hai KHud-sar jo kisi qabil nahin hota

    lahu ki tere har har bund fariyaadi hai go bismil

    magar qatil ke munh par shikwa-e-qatil nahin hota

    dil-e-nakaam phir le kaam zauq-e-sai-e-paiham se

    kaf-e-afsos malne se to kuchh hasil nahin hota

    yaqinan maqsad-e-taKHliq ko samjha hua hai wo

    faraez se kabhi jo aadmi ghafil nahin hota

    wo insan hai malak sajde guzaren jis ke daman par

    wo zarra kya jo ham-dosh-e-mah-e-kaamil nahin hota

    jo roe dekh kar har har qadam par panw ke chhaale

    kabhi wo rah-rau aasuda-e-manzil nahin hota

    mere soz-e-darun meri nawa ka faiz hai 'rizwi'

    tera hona to wajh-e-garmi-e-mahfil nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now