aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhe to ishq mein ab aish-o-gham barabar hai

Baqaullah 'Baqa'

mujhe to ishq mein ab aish-o-gham barabar hai

Baqaullah 'Baqa'

MORE BYBaqaullah 'Baqa'

    mujhe to ishq meñ ab aish-o-ġham barābar hai

    ba-rañg-e-sāya vajūd-o-adam barābar hai

    na kuchh hai aish se bālīdgī na ġham se gudāz

    hamāre kaam meñ sab nosh o sam barābar hai

    chalā hai qāfila par ham se nā-tavānoñ ko

    hazār gaam se ab ik qadam barābar hai

    ba-chashm-e-mardum-e-raushan-zamīr gar pūchho

    to qadr-e-jām-e-mai o jām-e-jam barābar hai

    ḳhizāñ ke roz jo dekhā to andalīboñ ko

    safīr-e-būm se ab zer-o-bam barābar hai

    bahut shagufta haiñ gulshan meñ garche lāla-o-gul

    tumhāre chehre se par koī kam barābar hai

    ye riñd de ga.e luqma tujhe to uzr na maan

    tirā to shaiḳh tanūr o shikam barābar hai

    vo mast-e-nāz-o-adā jis ko roz va.ade ke

    shikast-e-jām o shikast-e-qasam barābar hai

    'baqā' jo baar na de ham ko apnī mahfil meñ

    to marg o zindagī apnī baham barābar hai

    mujhe to ishq mein ab aish-o-gham barabar hai

    ba-rang-e-saya wajud-o-adam barabar hai

    na kuchh hai aish se baalidgi na gham se gudaz

    hamare kaam mein sab nosh o sam barabar hai

    chala hai qafila par hum se na-tawanon ko

    hazar gam se ab ek qadam barabar hai

    ba-chashm-e-mardum-e-raushan-zamir gar puchho

    to qadr-e-jam-e-mai o jam-e-jam barabar hai

    KHizan ke roz jo dekha to andalibon ko

    safir-e-bum se ab zer-o-bam barabar hai

    bahut shagufta hain gulshan mein garche lala-o-gul

    tumhaare chehre se par koi kam barabar hai

    ye rind de gae luqma tujhe to uzr na man

    tera to shaiKH tanur o shikam barabar hai

    wo mast-e-naz-o-ada jis ko roz wade ke

    shikast-e-jam o shikast-e-qasam barabar hai

    'baqa' jo bar na de hum ko apni mahfil mein

    to marg o zindagi apni baham barabar hai

    Source:

    Deewan-e-Baqa (Pg. ebook-57 page-37)

    • Author: Khwaja Ahmad Faruqi
      • Publisher: Shoba-e-Urdu, Delhi University, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now