مختلف ہیں مری بہار کے رنگ
کچھ مرے اپنے کچھ ادھار کے رنگ
آج یکسر بہار لے آئی
میرے دل کی گلی میں پیار کے رنگ
تیری آنکھوں سے ملتے جلتے ہیں
میری آنکھوں کے آبشار کے رنگ
دل کی چوکھٹ سجائے بیٹھے ہیں
آج بھی تیرے انتظار کے رنگ
رات مل کر گلے بہت روئے
تیری یادوں سے میرے پیار کے رنگ
وقت کی دھوپ کا قصور نہیں
تھے ہی کچے وہ اعتبار کے رنگ
تھک گئے پر مہک نہ لا پائے
کاغذی پھول پر بہار کے رنگ
دھوپ رخ پر پڑی ہوس کی سحرؔ
اڑ گئے عشق کے خمار کے رنگ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
