منتظر بیٹھے ہوئے ہیں شام سے
منتظر بیٹھے ہوئے ہیں شام سے
اور ہم واقف بھی ہیں انجام سے
مل گئے جب تم تو کیسا کام پھر
گھر سے ہم نکلے تھے یوں تو کام سے
آ مری گہرائیوں میں ڈوب جا
کہہ رہی ہے یہ صراحی جام سے
بھر گیا کانٹوں سے دامن پیار میں
دل مرا واقف نہ تھا انجام سے
رفتہ رفتہ صبح تک سب بجھ گئے
وہ دئے جو جل اٹھے تھے شام سے
لے گئے وہ اک نظر میں نقد دل
لٹنے والے لٹ گئے آرام سے
کیوں نہ ہو مقبول رہبرؔ میرے شعر
لکھ رہا ہوں ہٹ کے راہ عام سے
مأخذ:
غیر مسلم غزل گو (Pg. 49)
-
- ناشر: سید نوشاد علی
- سن اشاعت: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
