musafirat mein sukun ke safar nahin aae

musāfirat meñ sukūñ ke safar nahīñ aa.e

hamāre haath meñ chāhat ke par nahīñ aa.e

hazār manzar-e-ḳhush-rang haiñ nigāhoñ meñ

tire sivā mujhe kuchh bhī nazar nahīñ aa.e

misāl-e-shahr-e-ḳhamoshāñ hai terī bastī bhī

udhar ga.e jo kabhī phir idhar nahīñ aa.e

tujhe pata to chale intizār kī zahmat

tū raah dekhtā ho vo magar nahīñ aa.e

ye jānte hue rāhoñ ke ho ga.e patthar

ki jaane vaale kabhī lauT kar nahīñ aa.e

nikal ga.e jo tire dil se dar-ba-dar Thahre

'ḳhizar' kabhī bhī unheñ raas ghar nahīñ aa.e

musafirat mein sukun ke safar nahin aae

hamare hath mein chahat ke par nahin aae

hazar manzar-e-KHush-rang hain nigahon mein

tere siwa mujhe kuchh bhi nazar nahin aae

misal-e-shahr-e-KHamoshan hai teri basti bhi

udhar gae jo kabhi phir idhar nahin aae

tujhe pata to chale intizar ki zahmat

tu rah dekhta ho wo magar nahin aae

ye jaante hue rahon ke ho gae patthar

ki jaane wale kabhi lauT kar nahin aae

nikal gae jo tere dil se dar-ba-dar Thahre

'KHizar' kabhi bhi unhen ras ghar nahin aae