مسلسل ریگزاروں کا سفر ہے
مسلسل ریگزاروں کا سفر ہے
محبت اصل میں کار دگر ہے
حقیقت کیا ہے اور کیا ہے فسانہ
یہ سب کچھ منحصر حالات پر ہے
رگوں میں آگ سی بھر دے تو صحرا
سکوں سے نیند آ جائے تو گھر ہے
دیار دیدہ و دل میں ابھی تک
خوشی نا معتبر غم معتبر ہے
جو کل صحرا نوردی پر تھا مائل
وہ اب منت کش دیوار و در ہے
ازل سے ہوں سزاوار مسافت
سفر پیہم سفر پیہم سفر ہے
سراپا طفل ناداں رازؔ بن جا
خیال خاطر احباب گر ہے
مأخذ:
بینائی (Pg. 54)
- مصنف: رفیع الدین راز
-
- ناشر: مکتبۂ ثاقب، کراچی
- سن اشاعت: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
