mushtail ho gaya wo ghuncha-dahan danista

mushta.il ho gayā vo ġhuncha-dahan dānista

aa ga.ī lafzoñ meñ kyuuñ us ke chubhan dānista

jab bhī laayā hai vo māthe pe shikan dānista

yuuñ lagā jaise huā chāñd-gahan dānista

Thes lagtī hai anā ko to baras paḌte haiñ

lab-kushā hote nahīñ ahl-e-suḳhan dānista

sar-bulandī hameñ manzūr thī haq kī ḳhātir

is liye chuum liye dār-o-rasan dānista

jitne bhī ahl-e-siyāsat haiñ vatan-dushman haiñ

sab ne phūñkā hai mohabbat kā chaman dānista

ye bhī sach iiñT kā patthar se diyā ham ne javāb

ye bhī sach bair hai un se na jalan dānista

is se behtar kahāñ iz.hār-e-ġham-e-dil karte

yuuñ tarāshā kiye lafzoñ ke badan dānista

us se dushman hī nahīñ maut bhī katrā.egī

jis ne bhī bāñdh liyā sar se kafan dānista

shāyad is daur kī tahzīb ko ġhairat aa.e

ham ne chheḌī hai hikāyāt-e-kuhan dānista

jis ko vo chāhe atā kar de ye vasf-e-taqdīs

kaun paatā hai ġhazal kahne kā fan dānista

sahme sahme se haiñ peḌoñ pe parinde ai shams'

us ne gholī hai fazāoñ meñ ghuTan dānista

mushtail ho gaya wo ghuncha-dahan danista

aa gai lafzon mein kyun us ke chubhan danista

jab bhi laya hai wo mathe pe shikan danista

yun laga jaise hua chand-gahan danista

Thes lagti hai ana ko to baras paDte hain

lab-kusha hote nahin ahl-e-suKHan danista

sar-bulandi hamein manzur thi haq ki KHatir

is liye chum liye dar-o-rasan danista

jitne bhi ahl-e-siyasat hain watan-dushman hain

sab ne phunka hai mohabbat ka chaman danista

ye bhi sach inT ka patthar se diya hum ne jawab

ye bhi sach bair hai un se na jalan danista

is se behtar kahan izhaar-e-gham-e-dil karte

yun tarasha kiye lafzon ke badan danista

us se dushman hi nahin maut bhi katraegi

jis ne bhi bandh liya sar se kafan danista

shayad is daur ki tahzib ko ghairat aae

hum ne chheDi hai hikayat-e-kuhan danista

jis ko wo chahe ata kar de ye wasf-e-taqdis

kaun pata hai ghazal kahne ka fan danista

sahme sahme se hain peDon pe parinde ai shams'

us ne gholi hai fazaon mein ghuTan danista