mutmain hai wo meri jaan ka sauda kar ke
mutma.in hai vo mirī jaan kā saudā kar ke
maiñ ne chāhā thā jise dil pe bharosa kar ke
yaad aatā hai mujhe bhuul ke jaane vaalā
kyā milā dil ko mire aql se dhoka kar ke
niiñd aatī hī nahīñ chain bhī dekho gum hai
aañkh rotī hai kisī ḳhvāb se jhagḌā kar ke
suukh jaate haiñ mirī aañkh ke aañsū bhī ab
kyoñ maiñ baiThā huuñ samundar ko bhī sahrā kar ke
dard itnā hai ki mahsūs nahīñ hotā ab
zabt aisā hai ki rotā nahīñ shikva kar ke
mutmain hai wo meri jaan ka sauda kar ke
main ne chaha tha jise dil pe bharosa kar ke
yaad aata hai mujhe bhul ke jaane wala
kya mila dil ko mere aql se dhoka kar ke
nind aati hi nahin chain bhi dekho gum hai
aankh roti hai kisi KHwab se jhagDa kar ke
sukh jate hain meri aankh ke aansu bhi ab
kyon main baiTha hun samundar ko bhi sahra kar ke
dard itna hai ki mahsus nahin hota ab
zabt aisa hai ki rota nahin shikwa kar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
