na ab wo pahli si tarz-e-girya na sham-e-gham ki hama-hami hai

na ab vo pahlī sī tarz-e-girya na shām-e-ġham kī hamā-hamī hai

be-ashk āñkhoñ ke ratjagoñ meñ ḳhayāl saare bujhe hue haiñ

sunahrī ghaḌiyoñ kā lams thā vo mire takallum ke bāñkpan meñ

magar ye aalam hai ab ki alfāz abr-e-ġham meñ ghire hue haiñ

tumhāre dar ko hī takte rahnā machalte jazboñ kī shoḳhiyoñ meñ

magar ab is chashm-e-nā-tavāñ meñ hazār neze gaḌe hue haiñ

dhanak sā chehra udaas honā phir us pe bhī vo shafaq sā khulnā

yaqīn maano ki ham se nādāñ unhī dinoñ ke jiye hue haiñ

vo us ke jhagḌe hamārī ḳhātir vo saare logoñ se bair rakhnā

kahāñ hai ab aa ke dekhe ham kin adāvatoñ meñ ghire hue haiñ

Dase hue haiñ ye āgahī ke na jī rahe haiñ na mar rahe haiñ

na pūchho in se sabab koī bhī ye log pahle Dare hue haiñ

jo jā chuke haiñ vo log kyā the ki un kī ulfat kī mahkī duniyā

jahāñ thamī thī ghaḌī rukī thī vahīñ pe ham bhī khaḌe hue haiñ

na ab wo pahli si tarz-e-girya na sham-e-gham ki hama-hami hai

be-ashk aankhon ke ratjagon mein KHayal sare bujhe hue hain

sunahri ghaDiyon ka lams tha wo mere takallum ke bankpan mein

magar ye aalam hai ab ki alfaz abr-e-gham mein ghire hue hain

tumhaare dar ko hi takte rahna machalte jazbon ki shoKHiyon mein

magar ab is chashm-e-na-tawan mein hazar neze gaDe hue hain

dhanak sa chehra udas hona phir us pe bhi wo shafaq sa khulna

yaqin mano ki hum se nadan unhi dinon ke jiye hue hain

wo us ke jhagDe hamari KHatir wo sare logon se bair rakhna

kahan hai ab aa ke dekhe hum kin adawaton mein ghire hue hain

Dase hue hain ye aagahi ke na ji rahe hain na mar rahe hain

na puchho in se sabab koi bhi ye log pahle Dare hue hain

jo ja chuke hain wo log kya the ki un ki ulfat ki mahki duniya

jahan thami thi ghaDi ruki thi wahin pe hum bhi khaDe hue hain