na apna nam na chehra badal ke aaya hun

Akbar Masoom

na apna nam na chehra badal ke aaya hun

Akbar Masoom

MORE BYAkbar Masoom

    na apnā naam na chehra badal ke aayā huuñ

    ki ab baar maiñ rasta badal ke aayā huuñ

    vo aur hoñge jo kār-e-havas pe zinda haiñ

    maiñ us dhuup se saaya badal ke aayā huuñ

    zarā bhī farq na paḌtā makāñ badalne se

    vo bām-o-dar vo darīcha badal ke aayā huuñ

    mujhe ḳhabar hai ki duniyā badal nahīñ saktī

    isī liye to maiñ chashma badal ke aayā huuñ

    vahī sulūk vahī bhiik chāhtā huuñ maiñ

    vahī faqīr huuñ kaasa badal ke aayā huuñ

    mujhe batāo koī kaam phir se karne

    maiñ apnā ḳhuun pasīna badal ke aayā huuñ

    maiñ ho gayā huuñ kisī niiñd shirākat-dār

    maiñ ik hasīn takiya badal ke aayā huuñ

    suno ki joñk lagā.ī hai maiñ ne patthar meñ

    maiñ ik nigāh shīsha badal ke aayā huuñ

    mirā tarīqa mirā khel nirālā hai

    na maiñ zabān na lahja badal ke aayā huuñ

    vahī asiir huuñ aur hai mirī vahī auqāt

    maiñ is jahān meñ piñjra badal ke aayā huuñ

    na apna nam na chehra badal ke aaya hun

    ki ab ki bar main rasta badal ke aaya hun

    wo aur honge jo kar-e-hawas pe zinda hain

    main us ki dhup se saya badal ke aaya hun

    zara bhi farq na paDta makan badalne se

    wo baam-o-dar wo daricha badal ke aaya hun

    mujhe KHabar hai ki duniya badal nahin sakti

    isi liye to main chashma badal ke aaya hun

    wahi suluk wahi bhik chahta hun main

    wahi faqir hun kasa badal ke aaya hun

    mujhe batao koi kaam phir se karne ka

    main apna KHun pasina badal ke aaya hun

    main ho gaya hun kisi nind ka shirakat-dar

    main ek hasin ka takiya badal ke aaya hun

    suno ki jonk lagai hai main ne patthar mein

    main ek nigah ka shisha badal ke aaya hun

    mera tariqa mera khel hi nirala hai

    na main zaban na lahja badal ke aaya hun

    wahi asir hun aur hai meri wahi auqat

    main is jahan mein pinjra badal ke aaya hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY