na damanon mein yahan KHak-e-rahguzar bandho

Faza Ibn e Faizi

na damanon mein yahan KHak-e-rahguzar bandho

Faza Ibn e Faizi

MORE BYFaza Ibn e Faizi

    na dāmanoñ meñ yahāñ ḳhāk-e-rahguzar bāñdho

    misāl nik.hat-e-gul mahmil-e-safar bāñdho

    is aa.ine meñ koī aks yuuñ na ubhregā

    nazar se silsila-e-dānish-e-nazar bāñdho

    jo sāhibān-e-basīrat the be-libās hue

    fazīlatoñ ye dastār kis ke sar bāñdho

    safīr-e-jāñ huuñ hisār-e-badan meñ kyā Thahrūñ

    chaman-parasto na ḳhushbū ke bāl-o-par bāñdho

    na TuuT jaa.e ki nāzuk hai rishta-e-anfās

    tanāb-e-ḳhema-e-hastī sambhāl kar bāñdho

    kahāñ har ek shanāvar guhar ba-kaf niklā

    samundaroñ se tavaqqo na is qadar bāñdho

    har ek haath meñ hai sañg sad-hazār-āshob

    phir aise vaqt meñ shāḳhoñ se kyuuñ samar bāñdho

    namak chhiḌakte raho ye bhī hai masīhā.ī

    ye kyā zarūrī ki marham zaḳhm par bāñdho

    phire hai kab se pareshāñ ye zaḳhm-ḳhurda hiran

    junūñ ko dasht se le ke apne ghar bāñdho

    gayā vo daur ki jab barf barf the alfāz

    girah meñ ab ye dahakte hue sharar bāñdho

    adab nahīñ hai rayāzī mas.ala yaaro

    har ek shaḳhs pe kyuuñ tohmat-e-hunar bāñdho

    ye sinf ābrū-e-fann-e-shā.irī hai 'fazā'

    ġhazal kaho to mazāmīn mo'atabar bāñdho

    na damanon mein yahan KHak-e-rahguzar bandho

    misal nikhat-e-gul mahmil-e-safar bandho

    is aaine mein koi aks yun na ubhrega

    nazar se silsila-e-danish-e-nazar bandho

    jo sahiban-e-basirat the be-libas hue

    fazilaton ki ye dastar kis ke sar bandho

    safir-e-jaan hun hisar-e-badan mein kya Thahrun

    chaman-parasto na KHushbu ke baal-o-par bandho

    na TuT jae ki nazuk hai rishta-e-anfas

    tanab-e-KHema-e-hasti sambhaal kar bandho

    kahan har ek shanawar guhar ba-kaf nikla

    samundaron se tawaqqo na is qadar bandho

    har ek hath mein hai sang sad-hazar-ashob

    phir aise waqt mein shaKHon se kyun samar bandho

    namak chhiDakte raho ye bhi hai masihai

    ye kya zaruri ki marham hi zaKHm par bandho

    phire hai kab se pareshan ye zaKHm-KHurda hiran

    junun ko dasht se le ja ke apne ghar bandho

    gaya wo daur ki jab barf barf the alfaz

    girah mein ab ye dahakte hue sharar bandho

    adab nahin hai rayazi ka masala yaro

    har ek shaKHs pe kyun tohmat-e-hunar bandho

    ye sinf aabru-e-fann-e-shairi hai 'faza'

    ghazal kaho to mazamin mo'atabar bandho

    Source:

    • Book : siip (Magzin) (Pg. 225)
    • Author : Nasiim Durraani
    • Publication : Fikr-e-Nau (1979)
    • Edition : 39 (quarterly)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY