na Dagmagae kabhi hum wafa ke raste mein

Habib Jalib

na Dagmagae kabhi hum wafa ke raste mein

Habib Jalib

MORE BYHabib Jalib

    na Dagmagā.e kabhī ham vafā ke raste meñ

    charāġh ham ne jalā.e havā ke raste meñ

    kise lagā.e gale aur kahāñ kahāñ Thahre

    hazār ġhuncha-o-gul haiñ sabā ke raste meñ

    ḳhudā naam koī le to chauñk uThte haiñ

    mile haiñ ham ko vo rahbar ḳhudā ke raste meñ

    kahīñ salāsil-e-tasbīh aur kahīñ zunnār

    bichhe haiñ daam bahut mudda.ā ke raste meñ

    abhī vo manzil-e-fikr-o-nazar nahīñ aa.ī

    hai aadmī abhī jurm o sazā ke raste meñ

    haiñ aaj bhī vahī dār-o-rasan vahī zindāñ

    har ik nigāh-e-rumūz-āshnā ke raste meñ

    ye nafratoñ fasīleñ jahālatoñ ke hisār

    na rah sakeñge hamārī sadā ke raste meñ

    miTā sake na koī sail-e-inqalāb jinheñ

    vo naqsh chhoḌe haiñ ham ne vafā ke raste meñ

    zamāna ek 'jālib' sadā nahīñ rahtā

    chaleñge ham bhī kabhī sar uThā ke raste meñ

    na Dagmagae kabhi hum wafa ke raste mein

    charagh hum ne jalae hawa ke raste mein

    kise lagae gale aur kahan kahan Thahre

    hazar ghuncha-o-gul hain saba ke raste mein

    KHuda ka nam koi le to chaunk uThte hain

    mile hain hum ko wo rahbar KHuda ke raste mein

    kahin salasil-e-tasbih aur kahin zunnar

    bichhe hain dam bahut muddaa ke raste mein

    abhi wo manzil-e-fikr-o-nazar nahin aai

    hai aadmi abhi jurm o saza ke raste mein

    hain aaj bhi wahi dar-o-rasan wahi zindan

    har ek nigah-e-rumuz-ashna ke raste mein

    ye nafraton ki fasilen jahaalaton ke hisar

    na rah sakenge hamari sada ke raste mein

    miTa sake na koi sail-e-inqalab jinhen

    wo naqsh chhoDe hain hum ne wafa ke raste mein

    zamana ek sa 'jalib' sada nahin rahta

    chalenge hum bhi kabhi sar uTha ke raste mein

    Source :
    • Book : kulliyat-e-habib jaalib (Pg. 80)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now