na dasht hi ke liye hun na gulsitan ke liye
na dasht hī ke liye huuñ na gulsitāñ ke liye
koī batā.e ki āḳhir huuñ maiñ kahāñ ke liye
vo ek abr kā TukḌā maiñ ek buuñd aañsū
kahāñ kahāñ ke liye vo maiñ huuñ kahāñ ke liye
ye kam nahīñ hai ki jab bhī tumhārī baat chalī
mirā hī zikr huā zeb-e-dāstāñ ke liye
vo mere shauq ke aage jo ḳham-pazīr huā
phir us ne kuchh bhī na rakkhā mire gumāñ ke liye
tirā sabaq na kisī kaam aa sakā 'balrāj'
savāl aur zarūrī the imtihāñ ke liye
na dasht hi ke liye hun na gulsitan ke liye
koi batae ki aaKHir hun main kahan ke liye
wo ek abr ka TukDa main ek bund aansu
kahan kahan ke liye wo main hun kahan ke liye
ye kam nahin hai ki jab bhi tumhaari baat chali
mera hi zikr hua zeb-e-dastan ke liye
wo mere shauq ke aage jo KHam-pazir hua
phir us ne kuchh bhi na rakkha mere guman ke liye
tera sabaq na kisi kaam aa saka 'balraj'
sawal aur zaruri the imtihan ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
