نہ ہم اپنے نہ وہ اپنے نہ دل اپنا نہ راز اپنا
نہ ہم اپنے نہ وہ اپنے نہ دل اپنا نہ راز اپنا
من و تو کے جہاں میں ہے یہی بس امتیاز اپنا
زباں ان کی ہے ذکر ان کا خیال ان کا ہے یاد ان کی
نہ حرف نغمہ اپنا ہے نہ کوئی تار ساز اپنا
دو اک بے رنگ آنسو ہیں دو اک بے ربط باتیں ہیں
نہ روداد اپنی طولانی نہ افسانہ دراز اپنا
نہیں معلوم کہ کون آئے گا کب آئے گا لیکن
در دیدہ بھی وا ہے اور در دل بھی ہے باز اپنا
غم جاں مایۂ رحمت غم جاں دولت تسکیں
یہی کچھ کائنات اپنی یہی کچھ برگ و ساز اپنا
بحمد اللہ اپنی چشم تر ہے با وضو دائم
بحمد اللہ دل ہر دم ہے مصروف نماز اپنا
دل اپنا صاف ہے مانند ماہ ضو فشاں فطرتؔ
عیاں ہیں سب پہ اور رکھتے نہیں ہیں کوئی راز اپنا
مأخذ:
کلام فطرت (Pg. 41)
- مصنف: عبدالعزیز فطرت
-
- ناشر: محمد ایوب محسن
- سن اشاعت: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
