na hum mahw-e-KHayal abru-e-KHam-dar sote hain

na ham mahv-e-ḳhayāl abrū-e-ḳham-dār sote haiñ

sipāhī haiñ zi-bas bāñdhe hue talvār sote haiñ

tumhārā sote sote chauñk paḌnā khab gayā dil meñ

ki aksar ḳhud-baḳhud ho ho ke ham bedār sote haiñ

ilāhī ham ko hai kis kā ḳhayāl-e-ḳhvāb-o-be-dārī

jo lākhoñ haar uThte haiñ hazāroñ yaar sote haiñ

nigāh-e-mast-e-sāqī meñ hai kyā dārā-e-be-hoshī

ki sāġhar lag rahā hai muñh se aur mai-ḳhvār sote haiñ

na kar vasvās dil meñ chal vahāñ 'mārūf' be-khaTke

ki darbān ūñghtā hai aur chaukīdār sote haiñ

na hum mahw-e-KHayal abru-e-KHam-dar sote hain

sipahi hain zi-bas bandhe hue talwar sote hain

tumhaara sote sote chaunk paDna khab gaya dil mein

ki aksar KHud-baKHud ho ho ke hum bedar sote hain

ilahi hum ko hai kis ka KHayal-e-KHwab-o-be-dari

jo lakhon haar uThte hain hazaron yar sote hain

nigah-e-mast-e-saqi mein hai kya dara-e-be-hoshi

ki saghar lag raha hai munh se aur mai-KHwar sote hain

na kar waswas dil mein chal wahan 'maruf' be-khaTke

ki darban unghta hai aur chaukidar sote hain