aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na intizar mein yan aankh ek aan lagi

Momin Khan Momin

na intizar mein yan aankh ek aan lagi

Momin Khan Momin

MORE BYMomin Khan Momin

    na intizār meñ yaañ aañkh ek aan lagī

    na haa.e haa.e meñ taalū se shab zabān lagī

    jalā jigar tap-e-ġham se phaḌakne jaan lagī

    ilāhī ḳhair ki ab aag paas aan lagī

    galī meñ us na phir aate ham to kyā karte

    tabī.at apnī na jannat ke darmiyān lagī

    jafā-e-ġhair shikva thā terā thā kyā zikr

    abas ye baat burī tujh ko bad-gumān lagī

    hañso na tum to mire haal par maiñ huuñ vo zalīl

    ki jis zillat-o-ḳhvārī se tum ko shaan lagī

    kahāñ vo āh-o-fuġhāñ dam bhī le nahīñ sakte

    hameñ ye terī duā-e-bad āsmān lagī

    maiñ aur us ko bulā.ūñgā roz-e-vasl meñ lo

    ajal bhī karne mohabbat imtihān lagī

    ba-rañg-e-sūrat-e-bulbul nahīñ navā-sanjī

    ye kyā huā ki chup ai gulsitāñ bayān lagī

    sadā tumhārī taraf lagā rahtā hai

    tumhāre vāste hai dil ko mehrbān lagī

    vo kīna-tūz thā 'momin' to dil lagāyā kyuuñ

    kaho to kyā tumheñ aisī bhalī vo aan lagī

    na intizar mein yan aankh ek aan lagi

    na hae hae mein talu se shab zaban lagi

    jala jigar tap-e-gham se phaDakne jaan lagi

    ilahi KHair ki ab aag pas aan lagi

    gali mein us ki na phir aate hum to kya karte

    tabiat apni na jannat ke darmiyan lagi

    jafa-e-ghair ka shikwa tha tera tha kya zikr

    abas ye baat buri tujh ko bad-guman lagi

    hanso na tum to mere haal par main hun wo zalil

    ki jis ki zillat-o-KHwari se tum ko shan lagi

    kahan wo aah-o-fughan dam bhi le nahin sakte

    hamein ye teri dua-e-bad aasman lagi

    main aur us ko bulaunga roz-e-wasl mein lo

    ajal bhi karne mohabbat ka imtihan lagi

    ba-rang-e-surat-e-bulbul nahin nawa-sanji

    ye kya hua ki chup ai gulsitan bayan lagi

    sada tumhaari taraf ji laga hi rahta hai

    tumhaare waste hai dil ko mehrban lagi

    wo kina-tuz tha 'momin' to dil lagaya kyun

    kaho to kya tumhein aisi bhali wo aan lagi

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now