na koi chand na KHwabon ka nagar mera hai

na koī chāñd na ḳhvāboñ kā nagar merā hai

ek sunsān sā ḳhāmosh sā ghar merā hai

ye zamīñ chhoḌ chukī saath mire pairoñ kā

ab ḳhalāoñ kī taraf aglā safar merā hai

itnī chhoTī hai ye duniyā use ma.alūm na thā

ghuum phir kar jahāñ pahuñchā hai vo dar merā hai

maiñ ne ḳhvāhish hī na kī thī kabhī is kī varna

aaj bhī us ke to ḳhvāboñ meñ guzar merā hai

ye alag baat ki taqdīr ne milne na diyā

haq to us shaḳhs kī sochoñ pe magar merā hai

tujh ko shāyad na yaqīñ aa.e magar sach hai yahī

terī dahlīz pe jhuktā huā sar merā hai

na koi chand na KHwabon ka nagar mera hai

ek sunsan sa KHamosh sa ghar mera hai

ye zamin chhoD chuki sath mere pairon ka

ab KHalaon ki taraf agla safar mera hai

itni chhoTi hai ye duniya use malum na tha

ghum phir kar jahan pahuncha hai wo dar mera hai

main ne KHwahish hi na ki thi kabhi is ki warna

aaj bhi us ke to KHwabon mein guzar mera hai

ye alag baat ki taqdir ne milne na diya

haq to us shaKHs ki sochon pe magar mera hai

tujh ko shayad na yaqin aae magar sach hai yahi

teri dahliz pe jhukta hua sar mera hai