نہ پایا کچھ پتہ اس کا خدا جانے کہاں ہے وہ (ردیف .. و)
نہ پایا کچھ پتہ اس کا خدا جانے کہاں ہے وہ
زمانے بھر میں ڈھونڈ آیا خدا جانے کہاں ہے وہ
مؤذن سے جو پوچھا ہاتھ رکھ کر اس نے کانوں پر
کہا مجھ کو خبر ہے کیا خدا جانے کہاں ہے وہ
اسے مندر میں ڈھونڈ آیا اسے مسجد میں دیکھ آیا
نہیں ملتا نشاں اس کا خدا جانے کہاں ہے وہ
اسے میں بن کے عاشق سارے معشوقوں میں ڈھونڈ آیا
نظر آیا نہ کچھ جلوہ خدا جانے کہاں ہے وہ
زمین و آسماں کون و مکاں دیر و حرم دیکھا
نہیں ملتا پتہ اس کا خدا جانے کہاں ہے وہ
پپیہا پی کہاں بولا کہا کوئل نے تو ہی تو
سمجھ میں کچھ نہیں آتا خدا جانے کہاں ہے تو
کہاں سے پی کے آئے ہو بہت بہکے ہو تم اصغرؔ
کہاں بندہ کہاں مولا خدا جانے کہاں ہے تو
مأخذ:
نذر دلبر عرف کلام اصغر (Pg. 44)
- مصنف: اصغر نظامی
-
- ناشر: جے۔ ایس۔ سنت سنگھ اینڈ سنز تاجران کتب، لاہور
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
