na puchh uski jo apne andar chhupa

na pūchh us kī jo apne andar chhupā

ġhanīmat ki maiñ apne bāhar chhupā

mujhe yaañ kisī pe bharosā nahīñ

maiñ apnī nigāhoñ se chhup kar chhupā

pahuñch muḳhbiroñ kī suḳhan tak kahāñ

so maiñ apne hoñToñ pe aksar chhupā

mirī sun na rakh apne pahlū meñ dil

ise tū kisī aur ke ghar chhupā

yahāñ tere andar nahīñ merī ḳhair

mirī jaañ mujhe mere andar chhupā

ḳhayāloñ kī aamad meñ ye ḳhārzār

hai tīroñ kī yalġhār tū sar chhupā

na puchh us ki jo apne andar chhupa

ghanimat ki main apne bahar chhupa

mujhe yan kisi pe bharosa nahin

main apni nigahon se chhup kar chhupa

pahunch muKHbiron ki suKHan tak kahan

so main apne honTon pe aksar chhupa

meri sun na rakh apne pahlu mein dil

ise tu kisi aur ke ghar chhupa

yahan tere andar nahin meri KHair

meri jaan mujhe mere andar chhupa

KHayalon ki aamad mein ye KHarzar

hai tiron ki yalghaar tu sar chhupa