na ras aai agar hangama-arai to kya hoga

na raas aa.ī agar hangāma-ārā.ī to kyā hogā

kisī kī ho ga.ī merī ye tanhā.ī to kyā hogā

maiñ us kī sarkashī ko dekhtā huuñ aur kuḌhtā huuñ

chaTānoñ se agar ye mauj Takrā.ī to kyā hogā

mire baare meñ ye ehsās tum ko ho chukā hogā

agar is shaḳhs ko zanjīr pahnā.ī to kyā hogā

yahāñ maiñ ajnabī huuñ aur sab zī-haisiyat insāñ

madad kī peshkash bil-farz Thukrā.ī to kyā hogā

mire lahje meñ ghabrāhaT kā 'unsur DhūñDne vaalo

isī meñ kho ga.ī saarī tavānā.ī to kyā hogā

miloge tum to bharrā.e hue lahje meñ pūchhūñgā

mukammal ho chukegī merī rusvā.ī to kyā hogā

misāleñ do magar nā-qābil-e-tardīd hoñ aisī

'alāmat isti'āre ke na kaam aa.ī to kyā hogā

'nishāte' ye mohabbat aur nafrat khel haiñ donoñ

bane ik dūsre ke ham tamāshā.ī to kyā hogā

na ras aai agar hangama-arai to kya hoga

kisi ki ho gai meri ye tanhai to kya hoga

main us ki sarkashi ko dekhta hun aur kuDhta hun

chaTanon se agar ye mauj Takrai to kya hoga

mere bare mein ye ehsas tum ko ho chuka hoga

agar is shaKHs ko zanjir pahnai to kya hoga

yahan main ajnabi hun aur sab zi-haisiyat insan

madad ki peshkash bil-farz Thukrai to kya hoga

mere lahje mein ghabrahaT ka 'unsur DhunDne walo

isi mein kho gai sari tawanai to kya hoga

miloge tum to bharrae hue lahje mein puchhunga

mukammal ho chukegi meri ruswai to kya hoga

misalen do magar na-qabil-e-tardid hon aisi

'alamat isti'are ke na kaam aai to kya hoga

'nishate' ye mohabbat aur nafrat khel hain donon

bane ek dusre ke hum tamashai to kya hoga