na sham hai na sawera ajab dayar mein hun

Athar Nafees

na sham hai na sawera ajab dayar mein hun

Athar Nafees

MORE BYAthar Nafees

    na shaam hai na saverā ajab dayār meñ huuñ

    maiñ ek arsa-e-be-rañg ke hisār meñ huuñ

    sipāh-e-ġhair ne kab mujh ko zaḳhm zaḳhm kiyā

    maiñ aap apnī sāñsoñ ke kār-zār meñ huuñ

    kashāñ-kashāñ jise le jā.eñge sar-e-maqtal

    mujhe ḳhabar hai ki maiñ bhī usī qatār meñ huuñ

    sharaf milā hai kahāñ terī ham-rahī mujhe

    shahsavār hai aur maiñ tere ġhubār meñ huuñ

    atā-patā kisī ḳhushbū se pūchh lo merā

    yahīñ kahīñ kisī manzar kisī bahār meñ huuñ

    maiñ ḳhushk peḌ nahīñ huuñ ki TuuT kar gir jā.ūñ

    numū-pazīr huuñ aur sarv-e-shāḳh-sār meñ huuñ

    na jaane kaun se mausam meñ phuul mahkeñge

    na jaane kab se tirī chashm-e-intizār meñ huuñ

    huā huuñ qarya-e-jāñ maiñ kuchh is tarah pāmāl

    ki sar-buland tire shahr-e-zar-nigār meñ huuñ

    na sham hai na sawera ajab dayar mein hun

    main ek arsa-e-be-rang ke hisar mein hun

    sipah-e-ghair ne kab mujh ko zaKHm zaKHm kiya

    main aap apni hi sanson ke kar-zar mein hun

    kashan-kashan jise le jaenge sar-e-maqtal

    mujhe KHabar hai ki main bhi usi qatar mein hun

    sharaf mila hai kahan teri ham-rahi ka mujhe

    tu shahsawar hai aur main tere ghubar mein hun

    ata-pata kisi KHushbu se puchh lo mera

    yahin kahin kisi manzar kisi bahaar mein hun

    main KHushk peD nahin hun ki TuT kar gir jaun

    numu-pazir hun aur sarw-e-shaKH-sar mein hun

    na jaane kaun se mausam mein phul mahkenge

    na jaane kab se teri chashm-e-intizar mein hun

    hua hun qarya-e-jaan main kuchh is tarah pamal

    ki sar-buland tere shahr-e-zar-nigar mein hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY