na to jine ko na mar jaane ko ji chahta hai

na to jiine ko na mar jaane ko jī chāhtā hai

kyā kahūñ kyā mirā kar jaane ko jī chāhtā hai

kuchh bhī to aisā nahīñ jis se sukūñ dil ko mile

in dinoñ yuuñ hai ki mar jaane ko jī chāhtā hai''

na to sāhil pe khaḌe rahne se kuchh hāsil hai

aur na paanī meñ utar jaane ko jī chāhtā hai

bazm meñ un kī ho jaanā to jhijhaknā kaisā

mat ruko jaao agar jaane ko jī chāhtā hai

zulf hai apnī pareshān to vo ā.ina-rū

sāmne rakh ke sañvar jaane ko jī chāhtā hai

had muqarrar ho jahāñ 'ishq kī vo 'ishq nahīñ

aaj to had se guzar jaane ko jī chāhtā hai

na 'hasan' apnā na begāna ho dīvāna jahāñ

usī sahrā se guzar jaane ko jī chāhtā hai

na to jine ko na mar jaane ko ji chahta hai

kya kahun kya mera kar jaane ko ji chahta hai

kuchh bhi to aisa nahin jis se sukun dil ko mile

in dinon yun hai ki mar jaane ko ji chahta hai

na to sahil pe khaDe rahne se kuchh hasil hai

aur na pani mein utar jaane ko ji chahta hai

bazm mein un ki ho jaana to jhijhakna kaisa

mat ruko jao agar jaane ko ji chahta hai

zulf hai apni pareshan to wo aaina-ru

samne rakh ke sanwar jaane ko ji chahta hai

had muqarrar ho jahan 'ishq ki wo 'ishq nahin

aaj to had se guzar jaane ko ji chahta hai

na 'hasan' apna na begana ho diwana jahan

usi sahra se guzar jaane ko ji chahta hai